By एभरेष्ट अन्लाईन खबर 
चितवन । चितवनको भरतपुरमा बामगठवन्धनद्वारा आयोजित समारोहमा गीत गाउँदा गाउँदै हृदयाघात भइ मृत्युवरण गरेका जनवादी गायक खुशीराम पाख्रिनको भावपूर्ण बिदाई गरिएको छ ।
पाख्रिनको मंगलबार संयुक्त वाम गठबन्धनले आयोजना गरेको माओवादी केन्द्रका अध्यक्ष पुष्पकमल दाहालका छोरा प्रकाशको श्रद्धाञ्जलि सभामा गीत गाउने क्रममा हृदयाघात भै निधन भएको थियो ।
पाख्रिनको पार्थिव शरीर बुधवार बिहान चितवनस्थित माओवादी पार्टी कार्यालयमा श्रद्धाञ्जलीका लागि राखिएको थियो । श्रद्धाञ्जली दिन माओवादी केन्द्रका अध्यक्ष प्रचण्ड, एमाले अध्यक्ष केपी ओलीसहितका नेता कार्यकर्ता पार्टी कार्यालय पुगेका थिए ।
पाख्रिनको बुधवार नै अन्त्येष्टि गरिएको छ ।
चितवनको भरतपुर महानगरपालिका–१९ रामपुर घर भएका पाख्रिनको जन्म विसं २००९ मा भएको हो । ६५ वर्षीय पाख्रिनका श्रीमतीसहित एक छोरा र दुई छोरी छन् ।
