यी हुन जुत्तामा ३५ हजार डलर लुकाउने शेषनाथ

मकवानपुर । मकवानपुर प्रहरीले ३५ हजार अवैध अमेरिकी डलरसहित एकजनालाई पक्राउ गरेको छ ।

काठमाडौंबाट वीरगन्ज हुँदै भारत जान लागेका भारत, विहारको पूर्वीचम्पारणका २५ वर्षीय शेषनाथ प्रसादलाई जुत्तामा डलर लुकाइ राखेको अवस्थामा प्रहरीले उनलाई पक्राउ गरेको हो ।

प्रहरीले शेषनाथलाई आवश्यक कारबाहीका लागि राजस्व अनुसन्धान विभाग ललितपुरमा बुझाएको छ ।