By एभरेष्ट अन्लाईन खबर 
काठमाडौं । एएफसी एशियन कप छनोट चरणको आफ्नो पाचौं खेलमा नेपालले फिलिपिन्ससंग गोलरहित बराबरी खेलेको छ ।
ललितपुरको सातदोबाटो खेल मैदानमा भएको खेलमा नेपालले स्तरीय खेल प्रदर्शन गर्दै आफू भन्दा बलियो फिलिपिन्सलाई गोलरहित बराबरीमा रोक्न सफल भएको हो । सन् २०१९ मा हुने एएफसी एशियन कप छनोट चरणको खेलमा यसअघि नेपाल फिलिपिन्ससंग ४–१ ले पराजित भएको थियो ।
मंगलवारको खेलमा दुवै टोलीले उत्कृष्ट मुभ बनाएपनि गोल गर्न भने सकेनन । नेपालले थुप्रै पटक पाएको अवसरलाई गोलमा परिणत गर्न सकेन ।
छनोट चरणका सुरुवाती चार खेलमा जित हासिल गर्न नसकेको नेपाल यसअघि नै प्रतियोगिताबाट बाहिरिइसकेको छ । शीर्ष स्थानमा रहेको फिलिपिन्सका लागि भने यो नतिजाले धक्का लागेको छ ।
यो खेलसंगै नेपालका भेट्रान स्ट्राइकर अनिल गुरुङले अन्तर्राष्ट्रिय खेल जीवनबाट सन्यास लिएका छन ।
गुरुङले फिलिपिन्ससंगको खेल आफनो अन्तिम खेल हुने यसअघि नै बताइसकेका थिए ।
