By एभरेष्ट अन्लाईन खबर 
काठमाडौं । प्रहरीले निर्माण व्यवसायी महासंघका अध्यक्ष शरदकुमार गौचनको हत्यामा संलग्न ५ जनालाई पक्राउ गरेको छ । प्रहरीले लामो अनुसन्धानपछि उनीहरुलाई पक्राउ गरी सार्वजनिक गरेको छ ।
पक्राउ पर्नेहरुमा राजीव स्याङ्ताङ, शिवजी महतो, मुकेशकुमार पाण्डे, प्रकाश बुढाथोकी र सन्तोष गुरुङ छन् । प्रहरीका अनुसार केही अभियुक्त फरार रहेका छन । फरार हुनेमासमिरमानसिंह बस्नेत, मनोज पुन, लोप्साङ, बोका भन्ने गंगा लिङदेन (लिम्बू), श्यामबहादुर गुम्बे, काले दाइ भन्ने अम्बरबहादुर राना, रोशन बुढाथोकी र अजय थापा रहेका छन ।
गत असोज २३ गते दिउँसो शान्तिनगरमा घरबाट निस्केर गाडीमा चढी केही मिटर पर नपुग्दै मोटरसाइकलमा आएका दुई जनाले गौचनलाई गोली हानेका थिए ।
प्रहरीले घटनाको छानबिन गर्ने डीआईजी गणेश केसीको नेतृत्वमा छानबिन समिति गठन गरी अनुसन्धान अघि बढाएको थियो ।
