सप्तरीका २७ बर्षीय युवकको कतारमा मृत्यु

एजेन्सी । वैदेशिक रोजगारीको लागि सप्तरीबाट कतार गएका एक नेपालीको सडक दुर्घटनामा परी मृत्यु भएको छ । मृत्यु हुनेमा सप्तरीको तिलाठी कोइलाडी गाउँपालिका–४ बस्ने २७ वर्षीय विमलेश मण्डल रहेका छन । मण्डल ६ महिना अगाडि रोजगारीको लागि कतार गएका थिए ।

उनलाई ठक्कर दिने गाडीको नम्बर खुल्न सकेको छैन ।  सप्तरीकै किसुन मण्डलको सहयोगमा अलि ओभरसिज इटहरीमार्फत २०७३ चैत महिनामा कतार गएका थिए । उनको शव नेपाल ल्याइदिनको लागि सम्बन्धित निकाय र नेपाल सरकारलाई परिवारले आग्रह गरेका छन् ।