नेपाल पुनः एफ़एटीएफको ‘ग्रे लिस्ट’ मा; वित्तीय साखमा चुनौती

काठमाडौँ।

सम्पत्ति शुद्धीकरण तथा आतंकवादी गतिविधिमा हुने वित्तीय लगानी नियन्त्रणसम्बन्धी अन्तर्राष्ट्रिय मापदण्ड पूरा गर्न नसक्दा नेपाल पुनः फाइनान्सियल एक्सन टास्क फोर्स (FATF) को खैरो सूची (Grey List) मा परेको छ।

फ्रान्सको पेरिसमा सम्पन्न एफएटीएफको पूर्ण बैठक तथा कार्यसमूह बैठकले नेपालको वित्तीय प्रणाली अझै पनि सम्पत्ति शुद्धीकरणको जोखिममा रहेको निष्कर्ष निकाल्दै यस्तो निर्णय गरेको हो।

www.everestonlinekhabar.com.

• कमजोरी कायमै: नेपालले सम्पत्ति शुद्धीकरण निवारणसम्बन्धी कानुन निर्माणमा केही प्रयास गरे पनि संरचनागत र व्यावहारिक सुधार प्रभावकारी रूपमा कार्यान्वयन गर्न नसक्दा पुनः सोही संकटमा परेको हो।

• मूल्याङ्कनको आधार: एफएटीएफले कुनै पनि देशको वित्तीय अवस्था मूल्याङ्कन गर्दा प्रभावकारितासम्बन्धी ११ सूचक र प्राविधिक पक्षका ४० सूचकलाई मुख्य आधार बनाउने गर्दछ।

• इतिहास दोहोरियो: नेपाल यसअघि सन् २००८ मा पनि खैरो सूचीमा परेको थियो। लामो प्रयासपछि उक्त सूचीबाट बाहिरिन सफल भए पनि नीतिगत सुधारको अभावमा नेपाल फेरि अन्तर्राष्ट्रिय निगरानीमा परेको छ।

• अबको बाटो: एफएटीएफको खैरो सूचीबाट बाहिरिन नेपालले अब कानुनको प्रभावकारी कार्यान्वयन, वित्तीय अनुगमन प्रणालीको सुदृढीकरण तथा उच्च जोखिमयुक्त क्षेत्रमा कडा निगरानी राख्दै व्यापक सुधार गर्नुपर्नेछ।