By एभरेष्ट अन्लाईन खबर 
२०७६ पुस २१, काठमाडौँ – नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ र नेपाली कांग्रेसका सभापति शेरबहादुर देउवाबिच भेटवार्ता भएको छ । देवालाई भेट्न प्रचण्ड बुढानिलकण्ठ गएका हुन् । देउवा निवासमा सोमबार बिहान भएको भेटमा सभामुख चयनका बारेमा छलफल भएको जनाइएको छ । कृष्णबहादुर महारामाथि संसद सचिवालयकी कर्मचारीले बलात्कार प्रयासको आरोप लगाएपछि सभामुखबाट उनले राजीनामा दिएका थिए ।
त्यसयता सभामुख पद रिक्त छ । नेकपाले भावी सभामुखको उम्मेदवार तय गर्न सकेको छैन भने कांग्रेसले सभामुख र उपसभामुख मध्ये एक आफ्नो पार्टीले पाउनु पर्ने दाबी गर्दै आएको छ । यहि बिचमा दुई दलका शीर्ष नेताबिच भेटवार्ता भएको हो । भेटमा समसामयिक राजनीतिबारे पनि छलफल भएको जनाइएको छ ।
