By एभरेष्ट अन्लाईन खबर 
बीबीसी । भारतमा मानवअधिकारलगायतका विषयमा सरकारको आलोचक मानिने पाँचजनालाई पक्राउ गरिएको छ । पक्राउ पर्नेमा वामपन्थी विचारक एवं कवि वरवर राव, वकिल सुधा भारद्धाज, मानवअधिकार कार्यकर्ता अरुण फेरा, गौतम नवलखा र वरनान्न गौन्जाल्विस छन् ।
उनीहरुलाई विभिन्न स्थानबाट पक्राउ गरिएको भारतीय सन्चारमाध्यमहरुले जनाएका छन् । उनीहरुलाई अर्को सुनुवाइ नहुन्जेलसम्म नजरबन्दमा राख्न भारतको सर्वोच्च अदालतले आदेश दिएको छ ।
आलोचकहरुले बुद्धिजीवीको पक्राउले मोदी सरकार आफ्नो नीतिको आलोचना सहन सक्दैन भन्ने धारणालाई बल पुर्याएको बताएका छन् ।
