By एभरेष्ट अन्लाईन खबर 
काठमाडौं। नेपाली कांग्रेसले मेडिकल व्यवसायी दुर्गा प्रसाईँलाई कारबाहीको माग गर्दै संसद सचिवालयमा सार्वजनिक महत्वको प्रस्ताव दर्ता गराएको छ ।
प्रतिनिधि सभा नियमावली, २०७५ को नियम ७१ बमोजिम कांग्रेस सांसद डिला संग्रौलाको प्रस्ताव तथा लक्ष्मी परियार र प्रमिला राईको समर्थनमा प्रस्ताव दर्ता गराइएको हो ।
प्रतावमा प्रसाईले सार्वजनिक संचार माध्यम तथा सामाजिक सञ्जालमार्फत बंगलादेशमा मेडिकल शिक्षा आर्जन गरी स्वदेश फर्किएका तथा हाल त्यहाँ अध्ययनरत छात्रहरुप्रति अपमानपूर्ण अभिव्यक्तिले दिएर संविधान र कानुनको उक्त प्रावधानको ठाडो उल्लंघन गरेको उल्लेख गरिएको छ ।
