By एभरेष्ट अन्लाईन खबर 
बीबीसी । जापानमा लगातारको वर्षासँगै आएको बाढीका कारण ज्यान गुमाउनेको संख्या १०० नाघेको छ । बाढीका कारण कम्तिमा १०० जनाको ज्यान जानुका साथै ५० जना भन्दा धेरै बेपत्ता भएका छन ।
जापानको पश्चिमी क्षेत्रमा बाढीले बढी प्रभाव पारेको छ । बाढीसँगै पहिरो पनि गएकाले क्षति बढी भएको हो । जापानको पश्चिमी क्षेत्रमा बिहीबारदेखि ठूलो पानी परेको छ ।
जुलाईको पूरै महिनाभर सामान्य रुपमा पर्ने पानीको तुलनामा पछिल्ला दिनमा तीन गुणा बढी पानी परेको छ । लगातारको वर्षाका कारण नदीमा पानीको सतह बढेकाले २० लाख मानिसलाई सुरक्षित स्थानमा जान भनिएको छ ।
जापानमा अहिलेको जस्तो वर्षा यसअघि नभएको मौसम विभागका अधिकारीले बताएका छन् । पहिरोको लेदो तथा बाढीमा हराएकाको खोजी फेरि सुरु भएको छ । बाढी तथा पहिरोका कारण हिरोसिमा क्षेत्र बढी प्रभावित भएको छ ।
