सल्यानमा एम्बुलेन्स दुर्घटना हुँदा एकको मृत्यु, ४ घाइते

सल्यान,जेठ ।
सल्यानमा गएराति भएको एम्बुलेन्स दुर्घटनामा एकजनाको मृत्यु भएको छ । गर्भवती महिलालाई लिएर हिडेको एम्बुलेन्स राति १ बजे दुर्घटनामा परेको हो । गर्भवती महिलालाई चिलढालेबाट थारमारे ल्याउने क्रममा रा १ झ १३७ नम्बरको एम्बुलेन्स आग्रीखोलामा दुर्घटनामा परेको प्रहरीले जनाएको छ । बागचौर नगरपालीका–२ चिलढाले आग्रीखोलामा भएको दुर्घटनामा अन्य ४ जना घाईते भएका छन् ।
दुर्घटनामा मृत्यु हुनेमा बागचौर नगरपालीका–२ चिलढालेकी ४४ बर्षीया जानकी बुढाथोकी रहेकी छन् । घाईतेमा गर्भवती महिला १९ बर्षीया कल्पना चलाउने, ४६ बर्षीया केवल बुढाथोकी, ३५ बर्षीया डम्बरी बुढाथोकी र ४० बर्षीया राम बहादुर बुढाथोकी रहेका छन् । घाईतेहरुलाई उपचारको लागि जिल्ला अस्पताल सल्यान पठाइएको छ ।