By एभरेष्ट अन्लाईन खबर 
कैलाली । धनगढी प्रिमियर लिग (डीपीएल) क्रिकेटमा बर्षाले खेल स्थगित भएपनि काठमाडौं गोल्डेन्ससँग अंक बाँड्दै महेन्द्रनगर युनाइटेड प्लेअफमा पुगेको छ । बर्षाका कारण मैदान ओसिलो भएकाले आइतबारको पहिलो खेल स्थगित भएको हो । जसका कारण दुबै टिमले एक– एक अंक बाँडेका हुन् ।
महेन्द्रनगर चार खेलमा पाँच अंकका साथ प्लेअफमा पुगेको हो । यसअघि रुपन्देहीलाई पराजित गर्दै काठमाडौं गोल्डेन्स पनि प्लेअफमा पुगिसकेको छ ।
काठमाडौं गोल्डेन्स प्रतियोगितामा अपराजित एक्लो टिम हो । लगातार चार खेलमा जित निकाल्दै गोल्डेन्स् एक खेल अगाडि नै प्लेअफमा पुगेको हो । महेन्द्रनगरले भने शनिबार पनि बर्षाका कारण खेल हुन नसकेपछि सीवाइसी अत्तरियासँग अंक बाँडेको थियो ।
