By एभरेष्ट अन्लाईन खबर 
काठमाडौं । नेपाली कांग्रेसले कुमारी लक्ष्मी राईलाई राष्ट्रपतिको उम्मेदवार बनाएको छ । बुधवार बिहानै राष्ट्रपति पदको उम्मेदवार तय भएपछि राईले बिहानै नयाँ बानेश्वरस्थित संघीय संसद् भवनमा पुगी उम्मेदवारी दर्ता गराइन ।
उनको उमेदवारीमा कांग्रेस नेताहरु मानबहादुर विश्वकर्मा, देवेन्द्रराज कँडेल, सुरेन्द्रराज पाण्डे र नेतृहरु चित्रलेखा यादव र पार्वती डिसी चौधरी प्रस्तावका थिए । त्यस्तै नेताहरु शिवचन्द्र चौधरी, मेखलाल श्रेष्ठ, सुजता परियार, सरिता प्रसाईं र राधा घले समर्थक बसेका छन् ।
राई पञ्चायत कालमा हत्या गरिएका भोजपुरका कांग्रेस नेता देवानसिँह राईकी छोरी हुन् । २०१५ सालमा निवार्चित सांसद देवानसिँह वीपी कोइराला सरकारमा सहायक मन्त्री बनेका थिए ।
