By एभरेष्ट अन्लाईन खबर 
एजेन्सी । भारतको सरकारले सञ्चालन गरेको दोस्रो ठूलो बैंक पञ्जाब नेशनल बैंक (पिएनबी) का एउटै शाखामा एक अर्ब ८० करोड अमेरिकी डलर घोटाला भएको खुलासा भएको छ ।
पिएनबीको मुम्बई शाखामा सन् २०१७ अन्तिम त्रैमासिकमा एक अर्ब ८० लाख घोटाला भएको हो । यो पिएनबीको बजार पूँजीको झण्डै एक तिहाई तथा मुनाफाको आधा हिस्सा हो ।
केही सीमित ग्राहकलाई मात्रै लाभांश दिएर घोटाला भएको देखिएको बैंकले जनाएको छ । तर यो घोटाला काण्डले अरु बैंकलाई पनि असर गर्ने र देशको बैंक प्रणली प्रभावित हुने चिन्ता व्यक्त भएको छ । बैंकले कालो धनलाई वैध बनाउनका लागि यस्तो घोटाला गरेको हुन सक्ने आशंका अनुसन्धान सुरु भएको सरकारी अधिकारीले बताएका छन् । केही सीमित खातावालालाई मात्रै लाभ दिने गरी घोटाला भएको हो ।
घोटालाको घटना सार्वजनिक भएपछि बैंकको शेयर मूल्यमा भारी गिरावट आएको छ । पिएनबीको शेयर मूल्यमा १० प्रतिशत भन्दा बढी गिरावट आएको छ ।
