By एभरेष्ट अन्लाईन खबर 
रूपन्देही । नेपाल कम्युनिष्ट पार्टी (क्रान्तिकारी माओवादी)का महासचिव मोहन वैद्यले आफूसंग छुट्टिएर गएको नेत्रबिक्रम चन्द नेतृत्वको नेकपा माओवादीसंग पार्टी एकीकरण हुन लागेको बताएका छन ।
बुटवल–१२ ढबाहस्थित छन्त्याल संघको भवनमा पार्टीको प्रदेश नं ५ को प्रदेशस्तरीय प्रशिक्षण तथा बैठकको उदघाटन गर्दै महासचिव वैद्यले सच्चा क्रान्तिकारीलाई गोलबन्द गर्न अब अगुवाई गर्ने बताए । पार्टीले पार्टी एकीकरण र धु्रवीकरणका लागि विप्लव, ऋषि कट्टेल र मसालसँग छलफल चलिरहेको समेत बताए । मुलुकमा प्रतिक्रान्तिको अध्याय शुरु भएको भन्दै नयाँ जनवादी क्रान्तिको तयारीमा पार्टी जुटनु परेको उनले बताए ।
बहुदलीय र बहुलवादलाई सिध्याएर कांग्रेस–एमाले र माओवादी केन्द्रले मुलुकमा पाँचदलीयवाद लाद्न खोजेको उनको आरोप छ । उनले एमाले र माकेको एकतालाई एकता नभई माके एमालेमा विलय भएको जिकीर गरे ।
