By एभरेष्ट अन्लाईन खबर 
काठमाडौं । नेकपा एमालेका वरिष्ठ नेता एवम् पूर्व प्रधानमन्त्री माधवकुमार नेपालले सरकार गठन र माओवादी केन्द्रसँगको पार्टी एकतासँगसँगै अघि बढ्ने दाबी गर्नुभएको छ ।
बुधबार काठमाडौंबाट प्रतिनिधिसभा सदस्यमा निर्वाचित उम्मेदवारहरूको सम्मानमा आयोजित कार्यक्रमलाई सम्बोधन गर्दै उहाँले केही ढिलो जस्तो देखिएपनि माओवादीसंगको एकता र नयाँ सरकार गठन साथसाथै अघि बढने बताउनुभयो ।
नेता नेपालले भन्नुभयो,‘ दुवै दलका शीर्ष नेताहरूबीच छलफल गरी पार्टीको वैचारिक र संगठनात्मक संरचनाको विषय टुंगो लगाइने छ ।’
नेता नेपालले प्रधानमन्त्री शेरबहादुर देउवाले नयाँ सरकार निर्माणमा अवरोध गरिरहेको आरोपसमेत लगाउनुभयो ।
