By एभरेष्ट अन्लाईन खबर 
काठमाडौं । निर्वाचन आयोगले मन्त्रिपरिषद् विस्तार गर्ने निर्णय सच्याउन सरकारसँग आग्रह गरेको छ । आयोगका प्रवक्ता नवराज ढकालद्वारा जारी बिज्ञप्तीमा असोज २ गते दुई राज्यमन्त्री थप गरी मन्त्रिपरिषद् विस्तार गर्ने कार्यले निर्वाचनको स्वच्छता, मर्यादा र स्वच्छ प्रतिस्पर्धा कुण्ठित हुने आयोगले ठहर गरेको उल्लेख छ ।
मन्त्रिपरिषद् विस्तार गर्ने निर्णयबाट निर्वाचनको स्वच्छता, मर्यादा र स्वच्छ प्रतिस्पर्धा कुण्ठित हुने, राज्यका संवैधानिक निकायबीच संवैधानिक दायित्वबमोजिमका शक्ति सन्तुलन तथा पृथकीकरणको सिद्धान्तको अवमूल्यन हुने र निर्वाचन आचारसंहिता प्रतिकूल समेत हुने आयोगको ठहर छ । आयोगले तत्काल निर्णय सच्याउन आग्रह गरेको छ ।
यसअघि गत भदौ २६ गते पनि आयोगले यस किसिमका कार्य नगर्न नगराउन सरकारसँग आग्रह गरेको थियो ।
