By एभरेष्ट अन्लाईन खबर 
एजेन्सी । चीन भ्रमणमा रहनु भएका उपप्रधान तथा परराष्ट्रमन्त्री कृष्णबहादुर महराले चिनियाँ समकक्षी वाङ यीसँग भेटवार्ता गर्नुभएको छ । द्विपक्षिय भेटमा चीनले अघि सारेको वान बेल्ट एण्ड वान रोड (ओबिओआर) को अवधारणालाई कार्यान्वयन गर्ने विषयमा छलफल भएको बताइएको छ ।
उपप्रधानमन्त्री महराले चिनियाँ प्रधानमन्त्री ली खछ्याङलाई पनि भेट्ने कार्यक्रम तय भएको छ । यस्तै, व्यापारिक सहर क्वाङचौमा नेपाली महावाणिज्य दूतावासको औपचारिक रुपमा उदघाटन गर्ने कार्यक्रम पनि रहेको छ ।
मन्त्री महरा ६ दिने भ्रमणका लागि बुधबार बेइजिङ प्रस्थान गर्नुभएको थियो ।
