By एभरेष्ट अन्लाईन खबर 
बिबिसि । अमेरिकी राष्ट्रपति डोनाल्ड ट्रम्पले उत्तर कोरियासँग अब कुटनीतिक तवरबाट कुराकानी हुने सम्भावना समाप्त भएको बताएका छन ।
उत्तर कोरियाले पछिल्लो पटक जापानी आकाशहुँदै गरेको मिशाईल परीक्षण पछि प्रतिक्रिया दिदै राष्ट्रपति ट्रम्पले २५ वर्ष देखि धमकी दिईरहेको मुलुकसँग वार्ताको संभावना नरहेको बताएका हुन । केही दिन अघि मात्रै राष्ट्रपति ट्रम्पले उत्तर कोरियाले अमेरिकालाई सम्मान गर्न थालेको प्रतिक्रिया दिएका थिए ।
त्यसअघि, रक्षामन्त्री जेम्स म्याटिसले उत्तर कोयरियासंग तनाव घटाउन कुटनीतिक समाधानको बाटो बाँकी रहेको बताएका थिए ।
अमेरिका र संयुक्त राष्ट्रसंघले उत्तर कोरिया विरुद्धको आर्थीक प्रतिबन्ध थप कडा बनाउने तयारी गरिरहेको बताइएको छ ।
यही सन्दर्भमा रुसी विदेशमन्त्री सर्गेई लाभरोभले उत्तरको कदमको विरोधमा प्रतिबन्ध अझै बढाउँदा परिस्थिति झन विकराल हुने प्रतिक्रिया दिएका छन ।
