By एभरेष्ट अन्लाईन खबर 
बिबिसि । साउदी अरबले कतारका मुस्लिम धर्मावलम्वीका लागि नाका खुल्ला गर्ने भएको छ । मक्कामा हुने हजमा सहभागि हुन चाहने कतारका धर्मावलम्बीलाई प्रवेश खुल्ला गरिने साउदी अरबले जनाएको छ ।
मुश्लिम समुदायलाइ प्रवेश खुल्ला गर्ने विषयमा कतारका राजकुमार मोहम्मद बिन सल्मान अल साउद र कतारी शिख अब्दुल्लाह बिन अलिन बिन अब्दुल्लाह बिन जसिम अल थानीबीच वार्ता भएपछि साउदीले यो निर्णय लिएको हो । साउदीले हजमा सहभागि हुन चाहाने कतारीले सल्वा बोर्डरबाट आउजाउ गर्नसक्ने भन्दै बिज्ञप्ती जारी गरिसकेको छ ।
हज गर्न जानेहरुका लागि कुनै किसिमको विद्युतीय अनुमति आवश्यक नरहने उल्लेख गरिएको छ । मुस्लिम धर्मावलम्वीका लागि हवाई सेवा समेत खुल्ला गरिएको छ ।
साउदी अरबलगायत ४ वटा मुलुकले गत जुनयता कतारसँग सबै खालको सम्बन्ध बिच्छेद गरेका छन् । कतारले आतंकवादलाई आर्थिक सहयोग गरिरहेको उनीहरुको आरोप छ ।
