By एभरेष्ट अन्लाईन खबर 
काश्की । पोखरा नगर क्षेत्रभित्र सञ्चालन भइरहेका बसमा जिपिएस (सोलुसन) प्रणाली जडान गरिएको छ । पोखरा बस व्यवसायी समितिले नगरबसको अवस्थाका बारेमा कार्यालयबाटै जानकारी होस् भन्ने उद्देश्यले उक्त प्रणाली लागू गरेको हो ।
कहिलेकाहीँ तोकिएको रुटमा बस नचली अन्यत्रै चल्ने, यात्रु कम भए भनेर बीचबाटोबाटै फर्काउनुपर्ने, तोकिएको गतिमा गाडी चलेको नहुने लगायतका विषयमा गुनासो आएपछि यो प्रणाली लागु गरिएको हो ।
प्रणाली लागु भएसंगै अब सवारी धनीले आफ्नो मोबाइलबाटै जानकारी पाउने, बस दुर्घटनामा परे वा अरु कसैलाई ठक्कर दिए सजिलैसँग घटनाको वारेमा र बसको नम्बर पत्ता लगाउन सजिलो हुने जनाइएको छ ।
यो प्रणाली ८० लाख रुपैयामा जडान गरिएको समितिले जनाएको छ ।
