By एभरेष्ट अन्लाईन खबर 
काठमाडौं । भूकम्पले क्षतिग्रस्त विश्वसम्पदा सूचीमा सूचीकृत बसन्तपुरको नौतले दरबारको पुनर्निर्माण सुरु भएको छ । नेपाल भ्रमणमा रहेका चिनियाँ उपप्रधानमन्त्री वाङ याङ र नेपालका उपप्रधानमन्त्री कृष्णबहादुर महराले आज बिहान एक समारोहकाबीच दरवार पुनर्निर्माणको सुभारम्भ गर्नुभयो ।
विसं २०७२ को विनाशकारी भूकम्पले क्षति पुर्याएको दरबार दुई वर्षपछि चीन सरकारको आर्थिक एवं प्राविधिक सहयोगमा बन्न लागेको हो ।
कार्यक्रममा चीनका वाणिज्य उपमन्त्री तथा अन्तरराष्ट्रिय व्यापार उपप्रतिनिधिले नेपालको ऐतिहासिक सम्पदा पुनर्निर्माणको अवसर पाएकामा खुसी व्यक्त गर्नुभयो ।
चीनले पाँच वर्षमा करिब १५ करोड रुपैयाँको लागतमा दरवार पुनर्निर्माण गरिसक्ने जनाएको छ ।
