By एभरेष्ट अन्लाईन खबर 
काठमाडौं । बाढी, पहिरो र डुबान पीडित सर्वसाधारणलाइ बिभिन्न क्षेत्रबाट राहत दिनेक्रम जारी छ । सरकार, राजनीतिक दल, समाजिक संघ संस्था, निजी क्षेत्र तथा देश बिदेशमा रहेका नेपालीहरुले धमाधम नगद तथा राहत पठाउन थालेका छन ।
यसैबीच, नेकपा माओवादी केन्द्रका सांसदहरुले पनि एक महिनाको तलब बाढी पीडितहरुको राहतका लागि दिने निर्णय गरेका छन् । पार्टी कार्यालय पेरिसडाँडामा बसेको संसदीय बोर्डको बैठकले बाढी पीडितहरुको राहतका लागि पार्टीका सबै सांसदहरुले एक महिनाको तलब दिने निर्णय गरेको हो ।
बैठकले बाढी पहिरो प्रभावित जिल्लाका सांसदहरुलाई पीडितहरुको उद्दार, राहत र पुनःस्थापनाको काममा सक्रियतापूर्वक लाग्न निर्देशन समेत दिएको छ ।
यसअघि हिजो नेपाली कांग्रेसले पनि आफना सबै सांसदको एक महिनाको तलब बाढी पीडितलाइ दिने निर्णय गरेको थियो ।
