By एभरेष्ट अन्लाईन खबर 
बीबीसी । अमेरिकी राष्ट्रपति डोनाल्ड ट्रम्पले उत्तर कोरियाली नेता किम जोङ उनसँगको दोस्रो भेटवार्ता चाँडै हुने बताएका छन् । दक्षिण कोरियाली राष्ट्रपति मुन जे इनसँग न्यूयोर्कमा भएको भेटपछि बोल्दै उनले उत्तर कोरियासँगको सम्बन्धमा धेरै प्रगति भएको बताए । उनले उत्तर कोरियासँगको सम्बन्ध अन्त्यन्त राम्रो भएको र केही हदसम्म असाधारण रहेको उल्लेख गरे ।
यसअघि संयुक्त राष्ट्रसघको मुख्यालय न्यूयोर्कमा बोल्दै उनले किमसँग निकट भविष्यमा हुने अर्को भेटवार्ताको व्यवस्था विदेशमन्त्री माइक पोम्पोओले गर्ने बताएका थिए । तर स्थानको विषय भने निश्चित नभएको ट्रम्पको भनाइ थियो ।
दक्षिण कोरियाली राष्ट्रपति मुन तीन दिने प्योङयाङ भ्रमणपछि ट्रम्पलाई भेट्न अमेरिका पुगेका हुन् । अमेरिका र उत्तर कोरियाको सम्बन्ध सुधारमा उनले महत्वपूर्ण भूमिका निभाउँदै आएका छन् ।
किमले कोरियाली प्रायद्विपको छिटो पूर्ण निःशस्त्रीकरण गर्दै मुलुकको आर्थिक विकास चाहेको मुनको भनाइ छ । गत जुनमा ट्रम्प र किमबीच ऐतिहासिक सिंगापुर शिखर सम्मेलनपछि दुई मुलुकको सम्बन्धले नयाँं मोड लिएको छ ।
सम्मेलनमा कोरियाली प्रायःद्विपको पूर्ण निःशस्त्रीकरणका विषयमा महत्वपूर्ण सहमति भएको थियो
