विकाश श्रेष्ठ र नविन श्रेष्ठको जोडी ब्याडमिन्टनको पुरुष युगलतर्फ प्रिक्वाटरफाइनलमा

एजेन्सी । नेपालका विकाश श्रेष्ठ र नविन श्रेष्ठको जोडी इन्डोनेसियामा जारी १८ औँ एसियाली खेलकुद-एसियाडअन्तर्गत ब्याडमिन्टनको पुरुष युगलतर्फ प्रिक्वाटरफाइनल पुगेको छ।

अन्तिम ३२ को खेलमा विकाश र नविनको जोडीले बिहीबार मंगोलियाको जोडीलाई सोझो सेटमा पराजित गर्‍यो। नेपाली जोडी २१-१२ र २१-७ को सेटमा विजयी भएको थियो। मिश्रित युगलमा रत्नजित तामाङ र नंशलदेवी तामाङको जोडी तथा जेसिका गुरुङ र दीपेश धामीको जोडी पहिलो चरणबाटै बाहिरियो।