By एभरेष्ट अन्लाईन खबर 
काठमाडौं। राष्ट्रिय जनता पार्टी(राजपा)को संसदीय दलको नेतामा महन्थ ठाकुर चयन भएका छन्। राजपा संसदीय दलको बैठकले अध्यक्ष मण्डलका संयोजक ठाकुरलाई संसदीय दलको नेतामा चयन गर्ने निर्णय भएको हो।
यसअघि ठाकुर र अध्यक्ष मण्डलका सदस्य राजेन्द्र महतोको बीचमा संसदीय दलको नेता को भन्ने विषयमा सहमति जुट्न सकेको थिएन। अध्यक्ष मण्डलका अन्य ३ सदस्यहरु महेन्द्र राय यादव, राजकिशोर यादव र अनिल झा संसदीय दलको नेताका लागि ठाकुरको पक्षमा उभिँदै आएका थिए। उता अर्का सदस्य शरदसिंह भण्डारीले भने महतोको पक्ष लिइरहेका थिए।
संसदीय दल नेता चयनको मिति नजिकिँदै जाँदा ठाकुर र महतो दुवैले कसरत गरिरहे पनि अन्ततः ठाकुरकै पक्षमा सहमति जुटेको हो।
