By एभरेष्ट अन्लाईन खबर 
काठमाडौं । चीनको एक निजी कम्पनीले नेपालमा सिमेन्ट उत्पादनमा ३६ अर्ब ७५ करोड रुपैयाँ लगानी गर्ने भएको छ । चीनको होक्सी नामक कम्पनीले नेपालको सिवम् सिमेन्टसंगको संयुक्त लगानीमा नवलपरासीमा सिमेन्ट उद्योग खोल्न लागेको हो ।
काठमाडौंमा आइतबार एक कार्यक्रमबीच लगानी बोर्डका प्रमुख कार्यकारी अधिकृत सिईओ महाप्रसाद अधिकारी र चिनियाँ कम्पनी होक्सीका निर्देशक वेइपेङले परियोजना लगानीसम्वन्धी सम्झौता पीआईएमा हस्ताक्षर गरेका छन । हस्ताक्षर कार्यक्रममा अर्थमन्त्री ज्ञानेन्द्रवहाद्ुर कार्की तथा नेपालका लागि चिनियाँ राजदुत यू होङको समेत उपस्थिती थियो ।
सन २०१८ को पहिलो ३ महिना देखि नै सिमेन्ट उत्पादन शुरु गर्ने भनिएको सो उद्योगबाट दैनिक ६ हजार मेट्रिक टन सिमेन्ट उत्पादन गर्ने लक्ष्य राखिएको छ । उत्पादन क्रमशः वृद्धि गरी दैनिक १२ हजार टन र्पुयाइने सम्झौतामा उल्लेख छ । उद्योगबाट १ हजार भन्दा वढी नेपालीले प्रत्यक्ष रोजगारी पाउनेछन् ।
