By एभरेष्ट अन्लाईन खबर 
महोत्तरी । नेपाल विद्यार्थी संघले बाढी र डुबान प्रभावित महोत्तरीको मुसहर बस्तीमा राहत तथा शैक्षिक सामग्री वितरण गरेको छ । अध्यक्ष नैनसिंह महर र उपाध्यक्ष पुष्प शाही नेतृत्वको टोलीले मुुसहर समुदायका करिब एक सयभन्दा बाढी पीडित परिवारलाई राहत सामग्री र शैक्षिक सामग्री बितरण गरेको हो ।
अध्यक्ष महरका अनुसार चामल, दाल, नुन, तेललगायत खाद्य सामग्री वितरण गरिएको छ । बस्तीका १२० भन्दा बढी विद्यार्थीका लागि पाठ्यसामग्री वितरण गरिएको उपाध्यक्ष शाहीले जानकारी दिनुभयो ।
यो अभियानले दश हजारभन्दा बढी विद्यार्थी लाभान्वित हुने अध्यक्ष महरको भनाई छ । तराईका ३१ जिल्लाको १ हजारभन्दा बढी विद्यालयका विद्यार्थी र तिनका अभिभावकलाई खाद्यान्न, लत्ताकपडा, शैक्षिक सामाग्रीलगायतका सामग्री दाता र नेविसंघका स्वयम्सेवकबाट संकलन गरी वितरण गरिएको हो ।
