By एभरेष्ट अन्लाईन खबर 
काठमाडौं । साफ यू १५ च्याम्पियनसिपको उपाधि जित्ने नेपालको सपना चकनाचुर भएको छ । एन्फा कम्प्लेक्स सातदोबाटोमा आज भएको फाइनलमा नेपाल भारतसंग २–१ ले पराजित भएको हो ।
पहिलो हाफमा १–० ले अगाडि रहेको नेपालले दोस्रो हाफमा राम्रो प्रदर्शन गर्न सकेन । दोस्रो हाफको ५९ औं मिनेटमा भारतले गोल गरी बराबरी बनाएको थियो । भारतले गोल फर्काउँदै १–१ को बराबरीमा ल्याएको थियो । खेलको ७५ औं मिनेटमा भारतका विक्रम प्रताप सिंहले गोल गरेपछि भारतले २–१ ले अग्रता लिएको थियो । यसअघि, ब्रिजेस चौधरीले पेनाल्टीमार्फत गोल गर्दै नेपाललाई ४१औँ मिनेटमा अग्रता दिलाएका थिए ।
यसअघि, समूह चरणको खेलमा भने नेपाल भारतसँग २–१ ले पराजित भएको थियो ।
