By एभरेष्ट अन्लाईन खबर 
काठमाडौं । राष्ट्रिय टिम तयारीमा रहेका विभिन्न खेलाडी र प्रशिक्षकलाई खेल पोशाक वितरण गरिएको छ । मिसन सागदेखि ओलम्पिक परियोजनाअन्तर्गत १४ खेलका २ सय ८६ खेलाडी र ६० प्रशिक्षक गरी जम्मा ३ सय ४६ लाई ट्रयाक्स सुट र क्याप वितरण गरिएको हो ।
हाल एथलेटिक्स, उसु, कराते, तेक्वान्दो, जुडो, बक्सिङ, भारोत्तोलन, आर्चरी, कुस्ती, सुटिङ, ब्याडमिन्टन, टेबलटेनिस, पौडी र ट्रायथलनका खेलाडीहरु राष्ट्रिय टिमको तयारीमा छन् ।
राष्ट्रिय खेलकुद परिषद्का उपाध्यक्ष लामा टेन्डी शेर्पा, सदस्य–सचिव केशवकुमार विष्ट, सदस्यहरु उपेन्द्र पौडल र अर्जुनबहादुर केसी लगायतले पोशाक हस्तान्तरण गरेका हुन ।
