By एभरेष्ट अन्लाईन खबर 
ललितपुर । आफनै बिद्यालयकी छात्रालाई दुर्व्यवहार गरेको आरोपमा ललितपुर प्याबसनका अध्यक्ष एवम ललितपुरको ज्ञानकुञ्ज बोर्डिङ स्कुलका प्रधानाध्यापक शिव कार्की पक्राउ परेका छन् ।
सोही स्कुलको छात्रा होस्टेलमा बस्ने १७ बर्षकी एक विद्यार्थीलाई दुर्व्यवहार गरेको आरोपमा उनी पक्राउ परेका हुन् ।
विद्यार्थीलाई दुर्व्यवहार गरेको उजुरीपछि कार्कीलाई ललितपुर प्रहरीले पक्राउ गरेको हो । कार्कीलाई महनगरीय प्रहरी वृत्त सातदोबाटोमा राखिएको र घटनाबारे थप अनुसन्धान भैरहेको प्रहरीले जानकारी दिएको छ ।
