By एभरेष्ट अन्लाईन खबर 
रोल्पा । प्रहरीले रोल्पाबाट बम बनाउन प्रयोग हुने ४३ थान सकेट फेला पारेको छ । उम्मेदवार लक्षित शृंखलावद्ध बिष्फोटन हुने थालेपछि सक्रिय बनेको प्रहरीले रोल्पाको एक घरमा लुकाई राखिएको अवस्थामा सकेट बरामद गरेको हो ।
सकेटसंगै नेकपाका पाँच नेता पनि पक्राउ परेका छन । उनीहरुको साथबाट सात थान रेडबुल ग्रिनेट, सकेट र नलकटुवा पेस्तोल प्रहरीले बरामद गरेको छ ।
मंसिर ३ गते दिउँसो सुवर्णावती गाउँपालिका ६ क्वालीगाउँबाट पक्राउ परेका सुनछहरी गाउँपालिका ६ का हिमलाल पुन, सुवर्णावती गाउँपालिका ५ का मिनराम विष्ट र खड्कबहादुर केसी, रोल्पा नगरपालिका १० धबाङका बिरबहादुर केसी र धनबहादुर थापा ‘विश्लेषण’ को साथबाट सात थान ग्रिनेट फेला परेको हो ।
पक्राउ परेका विश्लेषणको घरबाट बम बनाउन प्रयोग हुने ४३ थान सकेट फेला पारिएको हो ।
