By एभरेष्ट अन्लाईन खबर 
एजेन्सी । स्मार्ट आइडियाज (हाम्रो पात्रोले) एप्पलका ग्याजेटस प्रयोग गर्नेका लागि लक्षित गर्दै हाम्रो नेपाली किबोर्ड सार्वजनिक गरेको छ । विशेषगरी आइफोन प्रयोगकर्तालाई लक्षित गरेर एप स्टोरमा नेपाली किबोर्ड उपलव्ध गराएको हो ।
यो एप सजिलो युजर इन्टरफेसमा उपलब्ध छ । यसबाटसजिलै नेपाली भाषामा टेक्स्ट लेख्न सकिन्छ । यो एपमार्फत् किबोर्डको स्पेस बटन थिचेर फरकरफरक तरिकाले नेपाली लेख्न सकिन्छ ।
यो किवोर्ड एपमा नेपाली र अंग्रेजी दुवै भाषाका अक्षर र अंक उपलब्ध छन् जसले आइफोन प्रयोगकर्तालाई एउटै एपबाट बहुभाषामा संदेश लेख्न सघाउँछ ।
रोमनबाट नेपाली टाइप गर्ने अथवा चलिरहेकै किबोर्डबाट नेपाली चलाउने दुवै अप्सन यसमा खुला छ । एन्ड्रोइड भर्सनमा हाम्रो नेपाली किबोर्ड चलाएका प्रयोगकर्ताले एप्पलका प्रडक्टमा पनि त्यस्तैखाले सेवा पाउने भएका हुन् ।
यसमा अगाडि टाइप गरिएका अक्षरसँगै सुझावहरु पनि उपलब्ध हुने भएकाले लामा लामा शब्दहरु टाइप नगरी सोझै दिइएका सुझावमा क्लिक गरेकै भरमा छिटो लेख्न सकिन्छ ।
