कांग्रेसको विशेष महाधिवेशन सुरु: पहिलो दिनमै उत्साहजनक सहभागिता, १३ सय बढी प्रतिनिधिको नाम दर्ता

काठमाडौँ | नेपाली कांग्रेसको विशेष महाधिवेशन पक्षधर समूहद्वारा आयोजित दुई दिने विशेष महाधिवेशन आजबाट राजधानीको भृकुटीमण्डपमा उत्साहका साथ सुरु भएको छ।

महाधिवेशनको पहिलो दिन आज बिहान ९ बजेदेखि नै प्रतिनिधिहरूको नाम दर्ता प्रक्रिया सुरु गरिएको थियो। विशेष महाधिवेशन जिल्ला क्षेत्र ‘फोकल पर्सन’ समन्वय समितिका संयोजक युवराज पाण्डेयका अनुसार दिउँसो १:३० बजेसम्म १ हजार ३२७ जना प्रतिनिधिले आफ्नो नाम दर्ता गराइसकेका छन्।

कांग्रेसमा देशभर कुल ४ हजार ७४३ महाधिवेशन प्रतिनिधि रहेका छन्, जसमध्ये पहिलो दिनको प्रारम्भिक समयमै देखिएको यो उपस्थिति लाई अर्थपूर्ण मानिएको छ।

व्यवस्थित स्टलको व्यवस्था,
सहभागीहरूको सहजताका लागि आयोजकले आठ वटा छुट्टाछुट्टै स्टलहरू मार्फत दर्ताको व्यवस्था मिलाएको छ:

कर्णाली र सुदूरपश्चिम प्रदेश: १ स्टल

काठमाडौँ, भक्तपुर र ललितपुर: १ स्टल

बाँकी ५ प्रदेश: ५ वटा छुट्टाछुट्टै स्टल

विदेशस्थित जनसम्पर्क समिति, भ्रातृ तथा शुभेच्छुक संस्था: १ स्टल

र्‍याली र उद्घाटन सत्र
महाधिवेशनको औपचारिक उद्घाटन हुनुअघि काठमाडौँका विभिन्न ६ स्थानबाट निकालिएको जुलुसले सहरको परिक्रमा गरेको थियो। विभिन्न क्षेत्रबाट आएका सहभागीहरूको जुलुस भृकुटीमण्डप पुगेपछि उद्घाटन समारोह सुरु भएको थियो।

संयोजक पाण्डेयका अनुसार भृकुटीमण्डपमा उद्घाटन सत्र सम्पन्न भएलगत्तै सोही स्थानको सभाहलमा बन्दसत्र सञ्चालन हुनेछ। बन्दसत्रमा विशेष महाधिवेशनको एजेन्डा, पार्टीको आन्तरिक रणनीति र आगामी कार्यदिशाबारे गहन छलफल हुने बताइएको छ।

पार्टीभित्रको विशेष परिस्थिति र सुधारको माग राख्दै आएको समूहले आयोजना गरेको यो महाधिवेशनलाई राजनीतिक वृत्तमा चासोका साथ हेरिएको छ।

महाधिवेशनमा सहभागी प्रमुख ‘लिजेन्ड’ नेताहरू
आजको विशेष महाधिवेशनमा पार्टीका पुराना र प्रभावशाली नेताहरूको उपस्थितिले राजनीतिक वृत्तमा ठुलो तरङ्ग पैदा गरेको छ। सहभागी हुने प्रमुख नेताहरूमा निम्न रहेका छन्:

१. तारानाथ रानाभाट

२. ओमकार प्रसाद श्रेष्ठ

३. अर्जुननरसिंह केसी

४. महेश आचार्य

५. डा. सुरेन्द्र चौधरी

६. गोपालमान श्रेष्ठ

७. पुष्पा भुसाल

८. भरत शाह

९. अर्जुन जोशी

१०. डिला संग्रौला

११. उदय शमशेर राणा

१२. विनोद चौधरी

१३. चिनकाजी श्रेष्ठ

१४. राजेन्द्र केसी

यसका साथै देउवा निकट मानिएका धेरै केन्द्रीय सदस्यहरू पनि भृकुटीमण्डप पुगेका छन्, जसलाई पार्टीभित्रको शक्ति सन्तुलन परिवर्तनको सङ्केतका रूपमा हेरिएको छ।

१३ सय बढी प्रतिनिधिकाे दर्ता, भृकुटीमण्डप भरिभराउ
विशेष महाधिवेशन जिल्ला क्षेत्र ‘फोकल पर्सन’ समन्वय समितिका संयोजक युवराज पाण्डेयका अनुसार आज दिउँसो १:३० बजेसम्म देशभरबाट आएका १ हजार ३२७ जना महाधिवेशन प्रतिनिधिले नाम दर्ता गराएका छन्। नाम दर्ताका लागि सातै प्रदेश र भ्रातृ संस्थाहरूका लागि छुट्टाछुट्टै आठ वटा स्टलको व्यवस्था गरिएको छ।