By एभरेष्ट अन्लाईन खबर 
काठमाडौं, २४ – राष्ट्रपतिको कार्यालयले आज एक विशेष अपिल जारी गर्दै अहिलेको युवा पुस्ता, विशेषतः जेनरेसन जेड (Gen Z) लाई राष्ट्रिय मुद्दाहरूमा खुला संवाद र सक्रिय सहभागिताका लागि आग्रह गरेको छ।
राष्ट्रपति रामचन्द्र पाैडेल ले सामाजिक सञ्जालमार्फत सार्वजनिक अपिल गर्दै भन्नुभयो, “देश परिवर्तनको यो चरणमा जेनजीको सोच, सिर्जनशीलता र सहभागिता अपरिहार्य छ। तपाईंहरू मात्र देशको भविष्य होइन, वर्तमान पनि हो। संवादबाटै समाधान सम्भव छ, त्यसैले अगाडि आउनुहोस्, आवाज उठाउनुहोस्, र देश निर्माणमा योगदान दिनुहोस्।”
राष्ट्रपतिको अपिलमा युवाहरूको चासो र आवाजलाई सुन्ने वातावरण सिर्जना गर्न सरकार तथा अन्य सरोकारवालाहरूलाई पनि आग्रह गरिएको छ।
विशेषगरी शिक्षा, रोजगारी, वातावरण, डिजिटल अधिकार, लैङ्गिक समानता, र मानसिक स्वास्थ्यजस्ता मुद्दामा जेनजीको धारणा निर्णायक हुने राष्ट्रपतिको भनाइ छ।
सार्वजनिक अपिलपछि सामाजिक सञ्जालमा जेनजी प्रयोगकर्ताहरूबीच उत्साहजनक प्रतिक्रिया देखिएको छ। धेरैले राष्ट्रपतिको पहललाई सकारात्मक भन्दै वास्तविक संवादका अवसरहरू सिर्जना गर्न थप प्रयास हुनुपर्ने माग गरेका छन्
