By एभरेष्ट अन्लाईन खबर 
जनकपुर २१ । मधेश प्रदेशमा पटक–पटक बोरिङ गाडिए पनि सञ्चालनमा नआएको भन्दै स्थानीयवासी असन्तुष्ट बनेका छन् । राज्यको बजेट खर्च गरेर विभिन्न ठाउँमा खानेपानीका लागि बोरिङ त गाडिएका छन् तर सञ्चालनमा ल्याउने तयारी नहुँदा धुलोमैलोमा थन्किएका छन् ।
जनकपुर, सिरहा, सप्तरी, महोत्तरीलगायतका जिल्लामा वर्षौंदेखि खानेपानीको समस्या छ । यसबीचमा खानेपानी कार्यालय र स्थानीय तहले सयौँ बोरिङ गाडेका भए पनि अधिकांशमा मोटर जडान भएको छैन, कतै बिजुली जडानमै ढिलाइ छ भने कतै प्राविधिक परीक्षण नहुँदा बेकार बसिरहेका छन् ।
स्थानीयवासीले सरकारको खर्च “प्रदर्शनका लागि मात्रै भएको” भन्दै आक्रोश व्यक्त गरेका छन् । “हामीलाई पानी चाहिएको हो, मेसिन गाडेको देखाउन होइन,” जनकपुरकी एक महिलाले भनिन् ।
विशेषज्ञहरूका अनुसार योजना बनेर सुरु भए पनि सञ्चालनमा नल्याइएपछि स्रोतको दुरुपयोग मात्र भएको छ । बोरिङ गाडिएका स्थानमा निरन्तर अनुगमन गरी तुरुन्तै सञ्चालनमा ल्याउनुपर्ने उनीहरूको सुझाव छ ।
