By एभरेष्ट अन्लाईन खबर 
भाद्र-१९
काठमाडौं – नेकपा एमालेको बैठकमा आज ईश्वर पोखरेलले फरक मत राख्दै पूर्वराष्ट्रपति विद्या भण्डारीको पार्टी सदस्यता रोक्ने निर्णय सच्याउन आग्रह गरेका छन्।
बैठकमा उनले भण्डारी पार्टीप्रति निष्ठावान् नेतृ भएको र अघिल्ला कठिन चरणमा नेतृत्वको साथ दिएकी स्मरण गराउँदै, सदस्यता रोक्ने कदम उचित नहुने तर्क प्रस्तुत गरेका हुन्। पोखरेलले पार्टी एकता र वरिष्ठ नेतृहरूको योगदानको सम्मान गर्न आवश्यक भएको उल्लेख गर्दै भण्डारीलाई अलग्याउने निर्णयले संगठनमा नकारात्मक सन्देश जाने चेतावनी दिएका छन्।
पार्टी नेतृत्वले भने बैठकमा भएको छलफलबारे आधिकारिक निर्णय सार्वजनिक गरेको छैन। तर, पोखरेलको भनाइपछि उपस्थित कतिपय नेताहरूले पनि सो निर्णयबारे पुनर्विचार गर्नुपर्ने धारणा राखेको स्रोतको दाबी छ।
