By एभरेष्ट अन्लाईन खबर 
धरान । माओवादी केन्द्रका अध्यक्ष तथा पूर्वप्रधानमन्त्री प्रचण्ड धरान पुगेर मेयर हर्क सम्पाङको वृक्षरोपण कार्यक्रममा सहभागी भएका छन् ।
जनवादी गायक जेबी टुहुरेको स्मृतिमा आयोजित कार्यक्रममा सहभागी हुन अध्यक्ष प्रचण्ड धरान पुगेको मौका पारेर मेयर हर्कले आफ्नो वृक्षरोपण कार्यक्रममा सहभागी गराएका हुन् । धरानका मेयर साम्पाङले हरेक शनिबार वृक्षारोपण कार्यक्रम राख्दै आएका छन् ।
अध्यक्ष प्रचण्ड धरान आएको अवसर पारेर हरेक शनिवार गरिदै आएको वृक्षरोपण एकदिन अघि सारेको मेयर हर्कले बताएका छन् । प्रचण्डले सर्दु जलाधार क्षेत्रमा भइरहेको वृक्षारोपण कार्यक्रममा सहभागीता जनाएक हुन् ।
