By एभरेष्ट अन्लाईन खबर 
यात्रु विमानले अमेरिकाको लस एन्जलसमा आपतकालीन अवतरण गरेको छ । सो विमानले स्थानीय विद्यालयको खेल मैदानमा आफ्नो इन्धन खसालेको थियो । विमानले खसालेको इन्धनका कारण कम्तिमा १७ बालबालिका तथा अरु धेरै वयश्कहरुमा छाला तथा स्वासप्रस्वास सम्बन्धी समस्या देखिएको छ । उनीहरुको स्थानीय अस्पतालमा उपचार भइरहेको छ ।
आपतकालीन अवतरणको क्रममा इन्धन खसेको हुन सक्ने जनाइएको छ । लस एन्जलस अन्तर्रा्ष्ट्रिय विमानस्थलबाट उडेको डेल्टा एयरको विमान इन्जिनमा समस्या देखिएपछि उडेकै विमानस्थलमा आपतकालीन अवतरण गरेको थियो । सो विमानले लस एन्जलस विमानस्थ्लबाट २६ किलोमिटर पर कुडाहीमा रहेको पार्क एलिमेन्ट्री स्कूलमा इन्धन खसालेको हो ।
