By एभरेष्ट अन्लाईन खबर 
काठमाडौं । नेपाली कांग्रेसकी नेतृ सुजाता कोइरालाले गुटगट छलफललाई तीव्रता दिएकी छन् । केही समय अगाडि शीर्ष नेताहरुको बैठक आफ्नो निवासमा गराएकी कोइरालाले मंगलबार अर्को छलफल गराइन् । लञ्च मिटिङमा बहुसंख्यक युवा नेता थिए ।
एक सहभागीका अनुसार कोइरालाले सुरुमा नै आफूले कुनै पदीय लोभका लागि छलफल नराखेको स्पष्टीकरण दिएकी थिइन् । पार्टीको औपचारिक बैठकसँगै अनौपचारिक सम्वादलाई तीव्रता दिनु पर्नेमा उनले जोड दिएकी छन् ।
नेताहरुले विधान र राजनीतिक प्रतिवेदनबारे छलफल गरेर साझा धारणा बनाउनु पर्ने बताएका छन् ।
