By एभरेष्ट अन्लाईन खबर 
काठमाडौं। क्रिकेटर सन्दीप लामिछानेले ‘प्रवल जनसेवा श्री-चतुर्थ श्रेणी’ पाउने भएका छन्। यस वर्ष ‘प्रवल जनसेवा श्री-चतुर्थ श्रेणी’ मानपदवी पाउने एक सय ६२ जनाको सूचिमा सन्दीपको नाम पनि समावेश गरिएको छ।
गृह मन्त्रालयले बुधबार गोरखापत्रमा मानपदवी,अलंकार र पदक पाउनेको नाम प्रकाशित गरेको छ। एथलेटिक्स प्रशिक्षक धनिराज चौधरी र खेलाडी सन्जु महर्जनले पनि यो वर्ष यो मानपदवी पाउने छन्।
यसपटक तीन जना खेलाडी तथा प्रशिक्षकले मात्र मानपदवी पाएका हुन्। रेस्लर भरत विसुरालले अलंकार ‘समाज सेवा रत्न’ पाएका छन्।
