By एभरेष्ट अन्लाईन खबर 
तिम्रो पाउ धोएर हैन
मैले आफ्नै मन धोएर व्रत बसे स्वामी जी
मेरी आमाले मलाई त्यही सिकाएकी थिइन
मन नधोइ पाउ धुनुको अर्थ रहन्न रे ।
तिम्रो पाउमा चढाउन
मैले त्यस्तो कुनै फूल भेटिन स्वामीजी
मेरी आमाले मलाई त्यही सिकाएकीछन
बर्षभरि मैले गर्ने प्रेम र श्रद्धामा म चुके भने
त्यो फूलको अर्थ रहदैन रे ।
तिम्रो पाउमा अर्पण गर्न
त्यस्तो कुनै फूल भेटिन स्वामीजी
मेरी आमाले मलाइ त्यही सिकाएकी थिइन
एक आपसमा गर्ने प्रेम र बिश्वासमा हामी चुक्यौ भने
त्यो फूलको केही अर्थ रहदैनरे ।
तिम्रो पाउमा अर्पण गर्न
त्य्स्तो कुनै जल भेटिन स्वामीजी
मेरी आमाले त्यही सिकाएकी थिइन
तिम्रा दुःखमा आँशु र खुशीमा हाँसो बन्न सकिन भने
त्यो जलको कुनै अर्थ रहदैन रे ।
तिम्रो पाउमा अर्पण गर्न
त्यस्तो कुनै अमृत भेटिन स्वामीजी
मेरी आमाले त्यही सिकाएकी छन
तिम्रो बेदना पोख्ने काख बन्न सकिन भने
त्यो अमृतको कुनै अर्थ रहदैन रे ।
हिन्दु संस्कार अनुसार तिम्रा लागि व्रत बसे स्वामीजी
साँझको बति बाली जल ग्रहण गर्नुअघि
मन धोएर प्रेम र बिश्वास
तिम्रो पाउमा अर्पण गर्दै छु स्वामीजी
संसारका लाखौं जोडिलाइ स्वच्छ प्रेम मिल्न सकोस
यहि प्रसाद अर्पण गरे स्वामीजी
यहि प्रसाद अर्पण गरे ।
–कविता शर्मा ( शर्मा कांग्रेस प्रवक्ता बिश्वप्रकाश शर्माकी धर्मपत्नी हुन )
