By एभरेष्ट अन्लाईन खबर 
काठमाडौ,भदौ ।
नेपाली कांग्रेस विधान मस्यौदा समितिले राय तथा सुझाव आह्वान गरेको छ। समितिले भदौ २१ गतेसम्म राय संकलन गर्ने भएको हो। समितिले नेपालको संविधान, राजनीतिक दल सम्बन्धी ऐन, प्रचलित कानुन तथा नयाँ संघीय व्यवस्था अनुसार नेपाली कांग्रेसलाई सशक्त, प्रभावकारी, पारदर्शी र समयानुकूल बनाउन विधानमा समावेश गर्नुपर्ने विषयहरुमा सुझाव आह्वान गरेको छ।
समितिको बैठकले ‘सांगठनिक संरचना लगायतका सम्बन्धमा पार्टीको विधानमा के कस्ता संशोधन र परिमार्जन आवश्यक छ ?’ भनी सुझाव माग गरेको हो। गत बिहीबार गठन भएको समितिले सदस्य सचिवमा केशव रिजाललाई नियुक्त गरेको छ।
