By एभरेष्ट अन्लाईन खबर 
मोरङ । लेटाङ नगरपालिका–९ स्थित जाँतेमा रहेको श्री माध्यमिक विद्यालयको खानेपानी ट्याङ्कीमा अज्ञात समूहले विष हालेको भेटिएको छ । उक्त पानी पिएर १३ विद्यार्थी बिरामी परेका छन ।
ट्याङ्कीमा साइपर मेथिन नामक औषधि हालिएको बताइएको छ । बिरामी विद्यार्थीको पथरीशनिश्चरेस्थित पथरी अस्पताल र उर्लाबारीस्थित मङ्गलबारे अस्पतालमा उपचार भइरहेको छ ।
ट्याङ्कीको पानी पिउने क्रममा गन्ध आएपछि शिक्षकलाई खबर गरिएको थियो । खानेपानी ट्याङ्कीको नजीकै साइपर मेथिन नामक औषधिको बट्टा भेटिएको र त्यो कसले हाल्यो भन्ने विषयमा अनुसन्धान भइरहेको प्रहरीले जनाएको छ ।
घटनापछि विद्यालय अनिश्चितकालका लागि बन्द गरिएको छ ।
