By एभरेष्ट अन्लाईन खबर 
एजेन्सी । अभिनेत्री प्रियंका चोपडाले सञ्जय लिला भंसालीको फिल्म पनि अन्तिम समयमा छाडेकी छन् । उनले हलिउड फिल्मका लागि भंसालीको फिल्मबाट हात झिकेकी हुन् ।
केही पहिले सलमान खानको फिल्म पनि उनले छाडेकी थिइन् । चलचित्र छाडेपछि सलमान उनीसँग रिसाएका थिए । बलिउड मिडियाले जनाएअनुसार भंसालीले उनलाई आफ्नो फिल्म ‘गंगुबाई कोठेवाली’का लागि लिने तयारी गरेका थिए ।
प्रियंकाले आफ्नो हलिउड फिल्म ‘काउ ब्वाई निन्जा भाइकिङ्ग’का कारण ‘बाजीराव मस्तानी’का निर्देशक भंसालीको चलचित्र छाडेकी छन् । प्रियंकाले फिल्म छाडेसँगै भंसालीले अब यो प्रोजेट नबनाउने फैसला लिएका छन ।
प्रियंका संजयलिला भंसालीको चलचित्र बाजिराव मस्तानीमा समेत देखिएकी थिइन् ।
