By एभरेष्ट अन्लाईन खबर 
काठमाडौँ । राष्ट्रियसभाको विषयगत समिति गठन भएको छ । बिहीबार बसेको राष्ट्रियसभाको बैठकले चारवटा विषयगत समिति गठन गरेको हो । गएको फागुन २१ गते सुरु भएको संसदको समिति ५ महिनापछि गठन भएका हुन् ।
प्रमुख प्रतिपक्षी दल नेपाली कांग्रेसले समितिमा रहने सदस्यको नाम बुझाउन अस्वीकार गर्दै आएका कारण विषयगत समिति गठनमा ढिलाइ भएको हो । तर केही दिनअघि कांग्रेसले समितिमा रहने आफ्ना सदस्याको नाम बुझाएको छ ।
राष्ट्रियसभा नियमावली २०७५ मा चार समिति रहने व्यवस्था छ । राष्ट्रियसभामा दीगो विकास तथा सुशासन, विधान व्यवस्थापन, प्रत्योयोजित व्यवस्थापन तथा सरकारी आश्वासन र राष्ट्रिय सरोकार तथा समन्वय समिति रहेका छन् ।
