By एभरेष्ट अन्लाईन खबर 
एजेन्सी । सामसुङले दुईवटा स्क्रिनसहितको फोल्डेबल स्मार्टफोन उत्पादन गर्न थालेको छ । सामसुङले यस्तो स्मार्टफोन निर्माणमा काम गरिरहेको छ जसको अगाडिको भागमा मात्र होइन पछाडिको भागमा पनि स्क्रिन हुनेछ ।
सामसुङले पेटेन्टका लागि दर्ता गराएको निवेदनबाट यसबारे थाहा भएको हो । नयाँ फोनमा अगाडि पट्टिको भाग आइफोन एक्सको जस्तै बेजेल लेस हुनेछ । पछाडि पट्टिको माथिल्लो आधा भागमा स्मार्टफोनको दोश्रो स्क्रिन हुनेछ । मुख्य क्यामरा र फ्लास पछाडि पट्टि नै बायाँ माथिल्लो भागमा हुनेछन ।
सामसुङले आफ्नो स्मार्टफोनमा हाल्ने दोश्रो स्क्रिनको कामका बिषयमा केही खुलाएको छैन ।
