By एभरेष्ट अन्लाईन खबर 
एजेन्सी ।वर्ल्ड कप फुटबलमा यसपटक लियोनेल मेस्सी र नेमारले जतिपटक गोल हान्छन्, एक क्रेडिट कार्ड कम्पनी ‘मास्टरकार्ड’ ले त्यति नै पटक खाँचोमा परेका मानिसहरुलाई निःशुल्क खाना खुवाउनेछ ।
योजना अनुसार ब्राजिलका नेमार र अर्जेन्टिनाका मेस्सीको हरेक गोलमा संयुक्त राष्ट्र विश्व खाद्य कार्यक्रममार्फत १० हजार निःशुल्क खाना बाँडिने बताइएको छ । यद्यपी, उक्त योजनामा ब्राजिलका कोच टिटे रुष्ट छन् ।
उनका अनुसार गोल खेलाडीले नभई समूहले गर्छन् । यस्तो प्रकारको आयोजनाले यी दुई खेलाडीमाथि अतिरिक्त दबाब पर्नेछ जुन ठिक होइन । सोसल मिडियामा पनि टिटेले समर्थन पाइरहेका छन् । मास्टरकार्डले उक्त योजनामा फेरबदल गर्न सक्ने अुनमान गरिएको छ ।
