By एभरेष्ट अन्लाईन खबर 
एजेन्सी । इंग्लिस प्रिमियर लिग फुटबलमा शीर्ष स्थानको म्यानचेस्टर सीटीले आर्सनललाई ३ – ० ले हराएको छ ।यसै साता सिजनको पहिलो उपाधि काराबाओ कप जितेको सीटीले आर्सनललाई उसैको मैदानमा हराएको हो ।
सीटीलाई जित दिलाउन बर्नार्डो सिल्भा, डेभिड सिल्भा र लोरी सानेले समान एक एक गोल गरे । काराबाओ कपको फाइनलमा सीटीले आर्सनललाई नै ३ – ० ले हराएको थियो ।
यो जितसँगै सीटीले २८ खेलबाट ७५ अंक जोडेको छ । सीटीले दोस्रो स्थानको म्यानचेस्टर युनाइटेडमाथि १६ अंकले अग्रता बनाएको छ । युनाइटेडको २८ खेलबाट ५९ अंक रहेको छ । पराजित आर्सनल ४५ अंक जोडेर छैटौं स्थानमा छ ।
