By एभरेष्ट अन्लाईन खबर 
सुर्खेत । प्रदेश ६ को सभामुखमा राजबहादुर शाही चयन भएका छन् । सोमबार बसेको प्रदेश संसदको दोस्रो बैठकले शाहीलाई सभामुखमा चयन गरेको हो ।
सभामुखमा शाहीको एकल उम्मेदवारी परेको थियो । शाही एमालेका तर्फबाट दैलेख क्षेत्र नं. २ (ख) बाट प्रत्यक्ष निर्वा्चित सांसद हुन् ।
सभामुख शाहीले सोमबार नै प्रदेश प्रमुख दुर्गाकेश खनालबाट सपथ लिएका छन ।
बैठक आगामी फागुन ५ गते उपसभामुख चयन गर्ने गरी स्थगित भएको छ ।
